私隱政策
適用於 acremiles.app 網站同 AcreMiles 手機 App(iOS、Android)。簡單講:你輸入嘅卡、結餘同簽賬紀錄留喺你部機;匿名統計、推送通知同電郵訂閱,都要你主動同意先會開。
本機儲存(提供功能所需)
你嘅卡、金額、年薪、結餘、簽賬紀錄、計劃、收藏同設定,只會存喺你自己部機(瀏覽器 localStorage;手機 App 另外喺同一部機存一份備份)。唔使開帳戶都可以完整使用。
手機 App 已關閉系統雲端備份同換機轉移,呢啲資料唔會跟手機備份離開你部機。喺「設定 → 重設所有資料」可以一次過清除。
手機 App 功能
- 唔追蹤你:App 版唔會載入 Google Analytics,唔用廣告或統計 cookie,亦唔會將你嘅資料同其他公司嘅資料連結作廣告用途,或者交畀資料經紀。喺 App 入面打開嘅 acremiles.app 頁面一樣唔會彈 cookie 提示、唔會載入統計。App 入面唯一嘅選項係「錯誤報告」:預設關閉;你喺「設定 › 私隱」開咗,程式出錯時先會經 Sentry 傳送技術資料(唔包你輸入嘅內容)。
- 提醒(迎新限期、優惠快完、每月總結):你喺「設定」開先有,喺你部機本機排定,唔會上傳。
- 主畫面小工具:只喺你部機顯示今個月記低嘅里數同迎新進度。
- 新優惠通知(你開先有):開啟後,App 會向 Google Firebase Cloud Messaging 登記一個裝置推送識別碼,並訂閱「新優惠」通知,只用嚟發送通知;唔會連同你嘅卡或簽賬資料。關閉通知或者重設所有資料,會取消訂閱並刪除識別碼。
- 上鎖:指紋、面容或螢幕鎖由手機系統處理,AcreMiles 唔會收到你嘅生物特徵資料。
- 內容更新:App 會定期由 acremiles.app 下載新版內容(例如優惠同兌換資料);呢個請求唔包括你嘅個人資料。
- 分享圖片:只喺你撳「分享」先喺部機產生;圖片唔包括你嘅結餘、卡或者記帳紀錄。
- 權限:只會喺你開提醒或新優惠通知時要求通知權限;App 唔用相機、位置或者通訊錄。
匿名改善(網頁版,你同意先載入)
呢項只適用於喺瀏覽器用 acremiles.app。開啟後,Google Analytics 會收集基本使用統計,Sentry 會收集程式錯誤、裝置/瀏覽器環境同已移除 query 嘅頁面路徑,目的係搵壞掣同改善穩定性。系統會過濾表單內容、email、完整 URL query、headers、cookies 同 user 欄位。唔同意,兩項服務都唔載入,核心功能照用;可隨時喺「設定」更改。
Cookie 同類似技術
AcreMiles 預設唔會放任何統計或廣告 cookie;手機 App 版完全唔放。開咗「匿名改善」之後,Google Analytics 會放佢自己嘅統計 cookie(_ga 系列)去分辨重複訪客;Sentry 唔用 cookie。關返「匿名改善」就唔會再送新資料。我哋唔會放廣告 cookie,亦唔會將你嘅資料賣畀第三方。撳外部連結去到銀行或比較平台之後,對方會放自己嘅 cookie,嗰啲唔喺 AcreMiles 控制範圍。
經典版 Google 備份與同步(你主動連接先有)
只適用於網站經典版(acremiles.app/classic/)。連接 Google 後,只會備份你儲存嘅點賺計劃、點用計劃、收藏同少量外觀設定;唔會備份匿名統計選擇、暫存表格、電子錢包、卡號、保安碼或銀行登入資料。你可以隨時登出,亦可以獨立刪除雲端備份。新版網站同手機 App 冇呢個功能。
Email 訂閱(你主動提交先有)
你喺網站或者手機 App 嘅訂閱頁自己填 email、剔選同意並撳「訂閱」後,email 先會傳送畀 MailerLite,用嚟寄 AcreMiles 優惠消息及處理退訂/確認信;唔會用於推薦計算。你唔主動訂閱,網站同 App 都唔會收集你嘅 email。每封電郵都可以退訂。
外部連結同聯盟披露
撳銀行、航空公司或比較平台連結後,會離開 AcreMiles,對方按自己嘅私隱政策處理資料。標示「AcreMiles 推薦連結」嘅入口屬 Creatory/MoneyHero 聯盟連結,AcreMiles 可能獲得佣金。佣金不會加入里數計算或決定推薦排名;銀行迎新與平台獎賞須分別符合條款。
邊個負責處理你嘅資料
本產品由 NEWSET LTD 經營。NEWSET LTD 是在英格蘭及威爾斯註冊的有限公司,公司編號為 17556794,亦是我們就本產品所處理個人資料的資料控制者。NEWSET LTD 已向英國 Information Commissioner’s Office(ICO)登記,ICO 登記編號:ZC292108。
私隱查詢請電郵 support@acremiles.app。公司聯絡:hello@newset.uk。註冊辦事處及通訊地址:
NEWSET LTD 71-75 Shelton Street, Covent Garden London WC2H 9JQ, United Kingdom
2026 年 11 月 11 日起,本產品由 NEWSET LTD 經營,並由 NEWSET LTD 作為資料控制者;資料用途、保存時間同你嘅權利維持不變。
處理資料嘅原因同保存時間
本機資料用嚟提供你主動要求嘅計算、收藏、提醒同小工具,保存到你清除或者刪除 App 為止。推送識別碼只用嚟發送你開咗嘅新優惠通知,保存到你關閉通知、重設資料或者刪除 App 為止。Google Analytics 同 Sentry 只會喺你明確同意後,用嚟了解整體使用情況同修正程式錯誤(截至 2026-07-20 設定:Analytics 事件資料 2 個月、使用者資料 14 個月;Sentry 錯誤事件 30 日)。MailerLite 會喺訂閱有效期間保存 email;退訂會停止宣傳電郵,但可能保留最少封鎖紀錄。
你嘅選擇及權利
你可以隨時清除本機資料、關閉匿名改善、關閉提醒或新優惠通知、退訂電郵,或者刪除 App;亦可要求查閱、更正、刪除、限制或索取由 AcreMiles 持有嘅個人資料。我哋會盡快處理有效要求,最遲喺收到要求後一個曆月內回覆。如你對處理方式不滿,可向英國 Information Commissioner’s Office(ICO)投訴。