活動最早截止：2026-08-31（不同方案以各自期限為準）

買新 iPhone 可以賺個歐洲旅行？

歷史優惠：原期申請活動已完結

以下原文保留當時條款及數字，不是目前可申請承諾。新一期請看更新文章。

攻略 · 新 iPhone 出手前準備

九月買新 iPhone，張信用卡要八月申請

唔係等部機開賣先諗點畀錢；提早一個月，先食得到迎新窗口。

每逢九月都係新 iPhone 秋季發布會。今年市場預期焦點會落喺 iPhone 18 Pro、iPhone 18 Pro Max，以及一部暫時被稱為 iPhone Ultra 嘅摺機。正式型號同售價仍要等 Apple 公佈，但如果你本身已經打算換機，依家就可以先準備付款方法。

今次用一部 HK$15,800 嘅新 iPhone 做例子。精明唔係買機嗰日先搵邊張卡回贈高，而係趁依家仲有大約一個月，申請定有迎新優惠嘅信用卡；到新機開賣，就用原本要畀嘅同一筆錢完成迎新門檻。

先睇答案：計算器會叫你咁樣簽

將 HK$15,800 放入 AcreMiles 大額簽賬計算器，再揀一個人或兩個人，佢會按每張卡嘅迎新門檻同申請人分配，直接排出以下結果。

歷史優惠，申請期已結束 — **一個人三張卡：**圖中先用未計 2,000 里抽獎嘅 52,500 里示範逐級加卡；下面計算器按本文口徑計埋抽獎，因此顯示 54,500 里，再同兩個人方案直接比較。

A+AcreMiles 大額簽賬計算器已按迎新門檻自動分配

今次要簽HK$15,800一個人方案

建議咁樣簽三張卡剛好用盡機價

你渣打國泰 Mastercard簽 HK$5,00027,000 里

你Citi PremierMiles簽 HK$5,00020,500 里

你滙豐 easy簽 HK$5,8007,000 里

合共可賺一個人申請三張卡54,500里

A+AcreMiles 大額簽賬計算器已按迎新門檻自動分配

今次要簽HK$15,800兩個人方案

建議咁樣簽迎新門檻共 HK$15,000，餘 HK$800

甲渣打國泰 Mastercard簽 HK$5,00027,000 里

甲Citi PremierMiles簽 HK$5,00020,500 里

乙渣打國泰 Mastercard簽 HK$5,00027,000 里

合共可賺比一個人方案多賺 20,000 里74,500里

呢個就係點解要用計算器。唔使自己逐張卡試加：輸入機價，佢會話你知邊個申請邊張、每張簽幾多，同埋點樣用盡今次迎新。

一個人方案：TU 紀錄好，同時間申請三張卡唔代表一定有問題，我自己亦試過；不過每間銀行都會獨立審批。唔想一次過申請三張，就用兩個人方案分開申請。

輸入你自己個機價，叫 AcreMiles 幫你分卡 →

27,000、20,500、7,000 里點樣嚟？

1渣打國泰 Mastercard：27,000 里

經指定國泰渠道申請，兩個月內簽滿 HK$5,000：

銀行迎新10,000里國泰加碼15,000里抽獎2,000里 合共27,000里

當中 2,000 里以抽獎形式派發，但名額有 700 萬份——以香港合資格申請信用卡嘅人口計，基本上人人有份，所以本文直接用 27,000 里計。

2Citi PremierMiles：約 20,500 里

首兩個月合共簽滿 HK$5,000，迎新本身係 20,000 里，再加該筆消費賺到嘅基本簽賬里數，本文以約 500 里計：

迎新20,000里基本簽賬約 500里 合共約 20,500里

最易漏：首兩個月每個月都要有至少一宗合資格交易，唔好第一個月簽晒之後，第二個月完全唔用。

3滙豐 easy 信用卡：7,000 里

首 60 個曆日簽滿 HK$5,800，迎新揀 35,000「易賞錢」：

官方兌換率1,500 易賞錢積分＝300 里

迎新 35,000 分因此可兌換7,000 里

申請時要揀「易賞錢」，並綁定易賞錢及國泰會員戶口。

申請提示：滙豐 easy 暫未有已核實公開申請渠道；申請前請直接向滙豐核對。

點解要提早一個月申請？

因為你唔係淨係要趕「申請」：仲要等批卡、收卡，再喺新機開賣後嘅簽賬窗口內付款。最早一個死線係渣打國泰渠道加碼。

8 月 31 日最早截止經指定國泰渠道申請渣打國泰卡

9 月 21 日批卡死線渣打國泰卡要喺呢日或之前批出

9 月 30 日申請死線Citi PremierMiles 迎新申請截止

簡單做法：如果你已經決定九月換機，就唔好等發布會完先申請。預留時間處理補文件，同時先向準備買機嘅分店確認可唔可以一單分多張卡付款。

一路講咗咁多里數，究竟可以換啲咩？

呢個先係成條數最有意思嘅地方。以下用國泰標準獎勵經濟艙做例子；來回里數係單程乘二，稅項、燃油附加費同獎勵機位要另外睇出票頁。

台北 101 城市景色 — 相片只作目的地示意；實際所需里數、稅項及機位以出票頁為準。

一個人方案54,500 里

一套歐洲來回，或者兩套日本／峇里來回

香港直飛倫敦來回例子要 54,000 里，換完仲剩 500 里。唔去長途的話，26,000 × 2 ＝ 52,000 里，可以換兩套東京、大阪、沖繩、北海道或峇里來回。

兩個人方案74,500 里

三套亞洲來回，旅行組合更多

甲有 47,500 里，可以換一套日本／峇里加一套台北；乙有 27,000 里，再換一套日本／峇里。三套來回合共用 66,000 里，兩個戶口合計仲剩 8,500 里。

兩個人點換最順：里數會分別入甲、乙嘅國泰會員戶口，所以預先分好由邊個戶口出邊張飛就得，唔好當成單一戶口使用。

AcreMiles 推薦入口

以下顯示目前的 AcreMiles／MoneyHero 推薦渠道，未必適用本文舊期或其他平台的獎賞；先核對各路線條款。

常見問題

三張卡同時申請，係咪一定批？

TU 紀錄良好、收入同負債水平合適，的確有人可以同時批到幾張卡，我自己亦試過；不過每間銀行都會獨立審批。如果你唔想一次過申請三張，就用兩個人方案分開申請。

買 iPhone 嗰單可以分三張卡畀錢？

要視乎銷售渠道。部分實體店可以分卡，網店通常未必得。付款前要先向分店確認，唔好批晒卡先發現拆唔到單。

兩個人方案嘅里數會唔會自動合埋？

唔會。里數會入各自嘅國泰會員戶口；之後換票要按當時嘅換票名單及親友規則處理。

準備九月買機？

而家先做兩步，開賣嗰日就識點簽

先用你預計嘅機價重新計一次，再由 AcreMiles 已核實渠道申請。渣打國泰加碼最早 8 月 31 日截止，唔好入錯 link 少咗 15,000 里。

立即用 AcreMiles 計自己個機價 →

申請前先確認自己符合迎新資格；只簽原本還得到嘅消費。